نشدت الليل عنها
وأنا منها مثل هالليل
ذبحه من السواد الحزن
وذبحني من الفراق الويل
أنا لون الرياح .. وريحة العتمه
أنا صوت السكون .. ولمعة النجمه
أنا ما هو أنا .. بس صورتي رسمه
***
أنا ليل .. ورياح .. وحزن
أنا كالمزن
مشبع بالحكي لكن
أحب الصمت والحكمه
كلامي حبر .. ومنطقي مرسام
وأوراقي كثير أوهام
أحب .. أعشق .. وأتمنى
***
ليالي حبنا نســمه
تلامس واقع الأحلام
***
أنا ياليل مثلك
منطوي بالحيـــل
إترجاني أحاسيســـي
ويترجاك نجم سهـيل
تكشف سر يكشفني
وأردد ما أطولك ياليل
***
وهي مثــــلي
تفارقنا بمساء وجروح
غصب ماهو بمشيئة روح
أحبك يا أطهر الأرواح
وأنا والله لو ما أحب
أحبك ولو أما أعشق
بأعـــشق
***
عشان الليل يشبه حيل قصتنا
ويعرف صدق عشرتنا
ولا يقضي العمر في الحزن
وهذي حكم هالدنيا
تجمعنا .. وتفرقنا
وتقفل دفتر الأوهام ....
0 التعليقات:
إرسال تعليق