قصيدة ( حقيقة زماني )

عامين عدت والحزن ساكن الروح
ما زار قلــبي الفـرح لو ثواني
شفت الآلم ألوان وأصبحت مفضوح
وكل القــصايد فــي كتابي تعاني
أقــضي حياتي كلها كذب ومزوح
ويبقى الندم ســاكن حقيقة زماني
أشوف الحزن دايم معي وين مأروح
واكتــب على صدر الحسافة أماني
تظـهر معاناتي على وجهي بوضوح
وامســحها بالدمعة وترجع لي ثاني
ما تبـعد الحسرة ولو طال بي النوح
والــــهم يقتلني ويقصد هواني
لا الشعر يوصفني ولا الدمع والبوح
وإن جــيت أشكي وقفتني لساني
مسموح يالي سبب الجرح مسموح
تمــضي بنا الأيام وترجع مكاني
بتعود لي الفرحة وبأعانق سفوح
وانت على قــعر المذلة تراني
وهـذي هي الدنيا أحلام وطموح
وأفهم قصيدي وإستشف المعاني