ما أعتقد إني مع الوقـــــت أنــــساك
هذي حقــــيقة لا تــــــقولي سوالف
رغم المــــــــــسافة بيننا كنت القاك
في ليل ما يرحـــــــــم معاناة خايف
كنتي إذا جــــــاني الألم قلتي أفداك
تفداك روحي يـــــاجميل الوصـايف
طيبك جـــــــمع كل الورود بمحياك
من بســـــمتك ذابت جميع الــشفايف
جيتي وأوراق الـــــشعر بين يــمناك
مثل السحايب والـــقصايد مـــصايف
تلقين أشعارك بــإحــــساس وادراك
في اولك هتان وأغرقتني النــصايف
يا شاعره ماظنتي الـــــــشعر عداك
وحروف شعري عند شعرك خفايف
لكن أحاول إنــــــني ألحق خُطـــاك
في كل كـــــــلمة تبعدي وما يخالف
هذي الـــــقصيدة من سواليفنا هناك
ولا تـــصدقي شعري إذا كان زائف
ولي سكن في القلب لا شك يــخفاك
هذي حــقيقة لا تقولــــــــي سوالف
0 التعليقات:
إرسال تعليق